Amdanom Ni

Ymddengys yn aml fod nifer o sefydliadau neu frandiau sy'n hyrwyddo pwysigrwydd iechyd da a lles. Yn yr adran hon rydym yn cyflwyno rhai o'r brandiau hyn yn gryno, gan gynnwys:

Ddinas Iach Caerdydd

Yn 2009 daeth Caerdydd y ddinas gyntaf yng Nghymru i ennill statws Dinas Iach Sefydliad Iechyd y Byd (SIB), gan ymuno â deuddeg dinas arall yn y Deyrnas Unedig.

Ddinas Iach Caerdydd

Mae cyflawni'r wobr hon yn cael ei ystyried fel cam pwysig i sicrhau bod Caerdydd yn parhau i ddatblygu fel un o'r llefydd gorau i fyw ynddo yn y wlad ac mae'n darparu gwir gyfle i ystod o asiantaethau sy'n gweithio ar hyd y ddinas i wella iechyd a lles pobl leol a lleihau anghydraddoldebau iechyd. Nid yw'n golygu bod Caerdydd wedi cyflawni statws iechyd penodol, yn hytrach mae'n ymwybodol o iechyd ac wedi ymrwymo'n gryf i'w wella ac ymdrin ag anghydraddoldebau sy'n bodoli.

Ein nod yw helpu ac annog dewis ffordd iach o fyw, ac mae'r wefan hon yn rhoi gwybodaeth a chyngor am iechyd a lles i unigolion a sefydliadau.

Rhagor o wybodaeth am Ddinas Iach Caerdydd.


» Yn ôl i'r brig


Her Iechyd Caerdydd

Her Iechyd Caerdydd

Ymgyrch leol, yn adeiladu ar nod Her Iechyd Cymru i wella iechyd a lles unigolion a sefydliadau, yw Her Iechyd Caerdydd.

Y nod yw eich helpu a'ch annog i wneud newidiadau cadarnhaol i'ch ffordd o fyw. Rydyn ni am roi gwybod ichi am y cyfoeth o adnoddau a gweithgareddau sydd ar gael yn y ddinas, fel y galwch chi benderfynu ar ffyrdd call i wella eich iechyd a'ch lles.


» Yn ôl i'r brig


Cynghrair Iechyd Caerdydd

Cynghrair Iechyd Caerdydd

Sefydlwyd yn 2000, mae Cynghrair Iechyd Caerdydd yn darparu partneriaeth strategol allweddol ar gyfer iechyd a gofal cymdeithasol yng Nghaerdydd, gydag aelodau o'r awdurdod lleol, y gwasanaeth iechyd a'r sector gwirfoddol. O 2003, mae Cynghrair Iechyd Caerdydd wedi darparu'r arweiniad i ddatblygu, gweithredu a monitro Strategaeth, Gofal Cymdeithasol a Lles ar gyfer Caerdydd. Mae'r Gynghrair hefyd yn darparu arweiniad strategol ar gyfer y rhaglen Dinas Iach a'r ffrydiau gwaith cysylltiedig.

Hyrwyddir y Gynghrair Iechyd Caerdydd gan y Tîm Partneriaeth Iechyd o fewn Cyngor Caerdydd. Os oes arnoch angen rhagor o wybodaeth am y bartneriaeth strategol a strategaethau yn gysylltiedig ag Iechyd, Gofal Cymdeithasol a Lles ewch i wefan Cynghrair Iechyd Caerdydd

Mae'r Tîm Partneriaeth Iechyd yn cefnogi ac yn hyrwyddo Her Iechyd Caerdydd.


» Yn ôl i'r brig


Her Iechyd Cymru

Her Iechyd Cymru

Lansiwyd Her Iechyd Cymru yn 2004 gan nodi nad cyfrifoldeb Llywodraeth Cynulliad Cymru a'r Gwasanaeth Iechyd Gwladol yn unig yw iechyd y genedl - mae gan bawb ei ran i chwarae i wella iechyd Cymru.

Yn 2008 rhoddodd Llywodraeth Cynulliad Cymru arian i'r holl Awdurdodau Lleol ddatblygu fersiwn lleol o'r Her Iechyd Cymru â'r nod o ehangu gwelliannau iechyd lleol.


» Yn ôl i'r brig


newid am oes

newid am oes

Ymgyrch genedlaethol yw Newid am Oes sy'n annog teuluoedd i fwyta'n dda, symud mwy a byw'n hirach.

Y dyddiau hyn, gall 'bywyd cyfoes' olygu ein bod yn llawer llai egnïol. Gan fod cynifer o gyfleoedd i wylio'r teledu neu chwarae gemau cyfrifiadurol a chymaint o fwydydd cyfleus a phrydau parod ar gael, dydyn ni ddim yn symud o gwmpas cymaint, nac yn bwyta cystal, ag yr oeddem arfer ei wneud.

Felly, gallai 9 o bob 10 plentyn heddiw dyfu i fyny gyda lefelau peryglus o fraster yn eu cyrff. Gall hyn achosi clefydau sy'n bygwth bywyd fel:

  • canser,
  • diabetes math 2 a
  • chlefyd y galon -

felly mae'n wirioneddol bwysig ein bod yn gwneud rhywbeth yn ei gylch. Mae Newid am Oes yn helpu teuluoedd i fwyta'n iach, symud mwy a byw yn hirach.

Rhagor o wybodaeth am newid am oes.


» Yn ôl i'r brig


Ymunwch a byddwch yn rhan o ddinas iach!

 

Wyddech chi

  •    Fod gennych hawl i adolygu eich meddyginiaethau gyda'ch fferyllydd lleol am ddim.
  •    Gall diet cytbwys, iach, ymarfer corff yn amlach a cholli pwysau pe bai angen rwystro datblygu'r clefyd siwgr.
  •    Gall pobl ifanc rhwng 13 a 25 oed gael cyngor cyfrinachol ynghylch iechyd rhywiol a derbyn condomau am ddim oddi wrth y Cynllun Cerdyn Condom Caerdydd.
  •    Gallai lleihau faint o halen sydd yn eich bwyd o 9g i 6g leihau pwysau gwaed.
  •    Mae camddefnyddio alcohol wedi golygu bod rhyw 33,000 o bobl yng Nghymru a Lloegr wedi gorfod mynd i'r ysbyty am eu bod yn dioddef o glefyd yr afu oherwydd alcohol.
  •    Gallai gwella'ch diet eich rhwystro rhag dioddef o draean o'r holl ganserau.
  •    Mae gan dros 40% o blant 5 oed yng Nghaerdydd un neu fwy o ddannedd pwdr.
  •    Ar hyn o bryd dywedir fod dros hanner poblogaeth Caerdydd dros bwysau neu'n ordew.
  •    Os ydych yn gyrru ar ôl yfed dwywaith y terfyn alcohol cyfreithiol rydych chi 30 gwaith mwy tebygol o achosi damwain ar y ffordd, na gyrrwr sydd heb yfed.
  •    Mae tystiolaeth yn dangos bod diet cytbwys iach, gweithgareddau corfforol a chadw pwysau iach yn effeithiol o ran osgoi a thrin gorbwysedd.
  •    Mae bod yn ordew yn golygu y gallech chi farw rhyw 9 mlynedd ynghynt.
  •    Gall ymarfer corff rheolaidd helpu'n sylweddol os ydych chi'n teimlo'n isel eich ysbryd, dan bwysau neu'n bryderus.
  •    Mae diet sy'n llawn ffrwythau a llysiau yn lleihau'r perygl o ddioddef oherwydd clefyd y galon.
  •    Bydd 650 miliwn o'r bobl sy'n fyw heddiw, yn marw oherwydd tybaco.
  •    Gallai bwyta darn ychwanegol o ffrwythau a llysiau y diwrnod olygu fod rhyw 4% yn llai o berygl o ddioddef clefyd y galon a 6% yn llai o berygl o ddioddef strôc.
  •    Os ydych chi'n ymarfer corff yn rheolaidd, rydych chi'n 50% yn llai tebygol o fynd yn ordew.
  •    Gellid arbed bron i £2000 y flwyddyn drwy roi'r gorau i ysmygu 20 sigar&eacure;t y dydd.
  •    Os ydych chi'n ymarfer corff yn rheolaidd, rydych ryw 50% yn llai tebygol o ddatblygu clefyd y galon na'r bobl hynny na ydynt yn ymarfer corff.
  •    Trwy ymarfer corff yn rheolaidd rydych yn lleihau'r perygl o ddatblygu osteoporosis.
  •    Mae wedi'i brofi fod ysmygu yn ystod cyfnod beichiogrwydd yn un o achosion marwolaeth grud.
  •    Yng Nghymru, amcangyfrifir bod peidio ag ymarfer corff yn costio rhyw £650 miliwn y flwyddyn i'r gwasanaeth iechyd a'r economi yn gyffredinol.
  •    Mae'r 6,000 o ddynion sy'n marw o glefyd y galon bob blwyddyn yn uniongyrchol oherwydd alcohol.
  •    Dim ond 26% o oedolion yng Nghaerdydd sy'n gwneud hanner awr o ymarfer corff 5 diwrnod yr wythnos.

Useful Downloads

» Cardiff Health, Social Care and Well Being strategy 2008-2011 (pdf)

» Cardiff Food & Health strategy (pdf)

» Cardiff Physical Activity & Health strategy (pdf)