Fy Iechyd

Diogelwch Seddi Car Plant

Mae'r gyfraith yn gofyn i bob plentyn mewn ceir, faniau a cherbydau nwyddau eraill gael eu cario mewn ataliad plant priodol o enedigaeth nes eu bod yn cyrraedd taldra o 135cm (4'5") neu'n 12 oed (pa un bynnag a ddaw gyntaf). Mae'n rhaid iddynt ddefnyddio gwregys diogelwch (er byddai'n well defnyddio sedd gyfnerthu neu glustog gyfnerthu nes eu bod yn cyrraedd taldra o 150cm (5').

 

Rhai cynghorion eraill wrth ddewis sedd car:

  • Dewiswch sedd sy'n addas i bwysau a thaldra eich plentyn:
- Dylai babis fod mewn seddi babis sy'n wynebu'r cefn.
- Peidiwch â symud eich plentyn i sedd sy'n wynebu'r blaen hyd nes eu bod yn pwyso o leiaf 9 cilogram ac yn gallu eistedd heb gymorth.
- Unwaith y bydd eich plentyn yn drymach na'r mwyafswm pwysau ar gyfer sedd sy'n wynebu'r cefn neu mae top eu pen yn uwch na thop y sedd dylid eu symud i sedd sy'n wynebu'r blaen.
  • Peidiwch â phrynu sedd ail law oni bai eich bod yn sicr o'i hanes. Efallai y bydd wedi bod mewn damwain ac wedi'i wanhau yn ddifrifol. Efallai na fydd cyfarwyddiadau gyda'r sedd neu na fydd wedi'i ddylunio i safonau presennol.
  • Darllenwch a dilynwch gyfarwyddiadau'r gwneuthurwr a sicrhewch fod y gwregys diogelwch yn mynd trwy'r holl gyfeiryddion cywir ar y sedd plentyn. Os nad oes gennych y cyfarwyddiadau gallwch gysylltu â'r gwneuthurwr i anfon copi atoch.
  • Gwthiwch eich pwysau i'r sedd plentyn wrth i chi dynhau'r gwregys i sicrhau bod y sedd plentyn yn ddiogel.
  • Os ydych yn gosod sedd plentyn sy'n wynebu'r blaen yn ffrynt y car sicrhewch fod sedd y car mor bell yn ôl ag y gall fod gan fod hyn yn lleihau'r posibiliad o anafiadau i'r pen neu'r frest mewn gwrthdrawiad. Os ydych yn tynnu'r sedd plentyn o'r car sicrhewch eich bod chi'n ei osod yn gywir bob tro y byddwch yn ei roi'n ôl. Os bydd yn aros yn y car yn barhaol gwiriwch ef yn rheolaidd i sicrhau ei fod yn ddiogel.
  • Sicrhewch fod eich plentyn yn defnyddio'r sedd ar gyfer pob siwrne waeth pa mor fyr yw'r siwrne.
  • Os ydych yn defnyddio sedd neu glustog cyfnerthu, dylai'r gwregys diogelwch oedolyn orffwys ar ysgwydd y plentyn a theithio o asgwrn clun i asgwrn clun. Peidiwch byth â phlygu'r gwregys diogelwch dan fraich y plentyn neu du ôl i'w cefn.
  • Mae rhai plant yn mynd trwy gyfnod o lithro allan o'r harnais neu ryddhau'r bwcl ond peidiwch â newid y bwcl i atal hyn oherwydd gallwch effeithio ar y mecanwaith rhyddhau cyflym.
  • O fis Mai 2008 mae'n rhaid i'r holl ataliadau plant gydymffurfio â safon ECE44.03 y CU (neu fersiynau olynol).
  • Gosodwch esiampl dda bob amser drwy wisgo eich gwregys diogelwch.

 

Dolenni Diogelwch Seddi Car Plant

» Child car seats

 

» Yn ôl i'r brig

Wyddech chi

  •    Fod gennych hawl i adolygu eich meddyginiaethau gyda'ch fferyllydd lleol am ddim.
  •    Gall diet cytbwys, iach, ymarfer corff yn amlach a cholli pwysau pe bai angen rwystro datblygu'r clefyd siwgr.
  •    Gall pobl ifanc rhwng 13 a 25 oed gael cyngor cyfrinachol ynghylch iechyd rhywiol a derbyn condomau am ddim oddi wrth y Cynllun Cerdyn Condom Caerdydd.
  •    Gallai lleihau faint o halen sydd yn eich bwyd o 9g i 6g leihau pwysau gwaed.
  •    Mae camddefnyddio alcohol wedi golygu bod rhyw 33,000 o bobl yng Nghymru a Lloegr wedi gorfod mynd i'r ysbyty am eu bod yn dioddef o glefyd yr afu oherwydd alcohol.
  •    Gallai gwella'ch diet eich rhwystro rhag dioddef o draean o'r holl ganserau.
  •    Mae gan dros 40% o blant 5 oed yng Nghaerdydd un neu fwy o ddannedd pwdr.
  •    Ar hyn o bryd dywedir fod dros hanner poblogaeth Caerdydd dros bwysau neu'n ordew.
  •    Os ydych yn gyrru ar ôl yfed dwywaith y terfyn alcohol cyfreithiol rydych chi 30 gwaith mwy tebygol o achosi damwain ar y ffordd, na gyrrwr sydd heb yfed.
  •    Mae tystiolaeth yn dangos bod diet cytbwys iach, gweithgareddau corfforol a chadw pwysau iach yn effeithiol o ran osgoi a thrin gorbwysedd.
  •    Mae bod yn ordew yn golygu y gallech chi farw rhyw 9 mlynedd ynghynt.
  •    Gall ymarfer corff rheolaidd helpu'n sylweddol os ydych chi'n teimlo'n isel eich ysbryd, dan bwysau neu'n bryderus.
  •    Mae diet sy'n llawn ffrwythau a llysiau yn lleihau'r perygl o ddioddef oherwydd clefyd y galon.
  •    Bydd 650 miliwn o'r bobl sy'n fyw heddiw, yn marw oherwydd tybaco.
  •    Gallai bwyta darn ychwanegol o ffrwythau a llysiau y diwrnod olygu fod rhyw 4% yn llai o berygl o ddioddef clefyd y galon a 6% yn llai o berygl o ddioddef strôc.
  •    Os ydych chi'n ymarfer corff yn rheolaidd, rydych chi'n 50% yn llai tebygol o fynd yn ordew.
  •    Gellid arbed bron i £2000 y flwyddyn drwy roi'r gorau i ysmygu 20 sigar&eacure;t y dydd.
  •    Os ydych chi'n ymarfer corff yn rheolaidd, rydych ryw 50% yn llai tebygol o ddatblygu clefyd y galon na'r bobl hynny na ydynt yn ymarfer corff.
  •    Trwy ymarfer corff yn rheolaidd rydych yn lleihau'r perygl o ddatblygu osteoporosis.
  •    Mae wedi'i brofi fod ysmygu yn ystod cyfnod beichiogrwydd yn un o achosion marwolaeth grud.
  •    Yng Nghymru, amcangyfrifir bod peidio ag ymarfer corff yn costio rhyw £650 miliwn y flwyddyn i'r gwasanaeth iechyd a'r economi yn gyffredinol.
  •    Mae'r 6,000 o ddynion sy'n marw o glefyd y galon bob blwyddyn yn uniongyrchol oherwydd alcohol.
  •    Dim ond 26% o oedolion yng Nghaerdydd sy'n gwneud hanner awr o ymarfer corff 5 diwrnod yr wythnos.